X - D...

Þegar ég mætti með son minn í einn af leikskólum borgarinnar í morgunn beið einn leikskólakennarinn eftir okkur með miða.  Mér finnst nú yfirleitt gaman að fá miða og las miðan með því sama.  Þarna var verið að gera okkur grein fyrir því að við þyrftum að sækja son okkar fyrr alla næstu viku vegna manneklu. 

Í mínum huga er þetta mál algjörlega einu afli að kenna og það er sjálfstæðisflokknum.  Þessi flokkur ræður bæði í landinu sem og borginn og stýrir því flekanum sem Ísland er orðið.  FInnst stjórnvöldum og ríkinu bara allt í lagi að leikskólar og grunnskólar eigi í vandræðum með það eitt að full manna í störfin, og þá erum við ekki að tala um að hafa hæfasta fólkið, nei það er ekki einu sinni hægt að hafa nógu marga!

Skil ekki alveg hvert þessi þjóð stefnir, haldandi afmælistónleika á Laugardalsvelli fyrir fleiri tugi milljóna, reysandi 800 fm sumarbústaði, fljúgandi um á einkaþotum eða þyrlum, lagandi skip fyrir einhverjar hunduð milljónir, en það er ekki hægt að borga þeim sem hugsa um börnin okkar viðunandi laun á meðan við leggjum okkur fram við að sinna skildum okkar svo samfélagið virki.  Það vill stundum gleymast að samfélag virkar sem ein heild.  Það er á svona stundum sem maður veltir fyrir sér áhrifum einstaklingshyggjunnar.  Á mér að vera alveg sama af því að þetta snertir mig ekki eða á ég að láta þetta koma mér við því þetta er að gerast í samfélagi sem ég sem einstaklingur er hluti af?

Kv. Hannibal

Athugasemdir

[Davíð Halldór Lúðvíksson (IP-tala skráð) 17.8.2007 kl. 16:31]

Í flestum starfsgreinum var þetta vandmál leyst með því að flytja inn farandsverkafólk án þess að hækka launin. Það gengur illa að flytja inn starfsfólk til þess að manna leikskóla eða grunnskóla þar sem eru gerðar kröfur um að vera a.m.k íslenskumælandi og helst með háskólapróf.

Spurningin er frekar hvað gerist ef gengið fellur, þegar farandsverkamennirnir vilja ekki lengur fá borgað í krónum og þegar bankarnir vilja innsleysa skuldir landsmanna?

[Eygló Hlín (IP-tala skráð) 20.8.2007 kl. 15:11]

Góður pistill. Þetta er ekki alveg eins og maður vill hafa það.

[Árni Halldór (IP-tala skráð) 23.8.2007 kl. 00:13]

Þetta er allt Framsóknarflokknum að kenna :(

Ef fleiri hefðu kosið Sjallana þyrftum við ekki að notast við eina eftirlifandi Framsóknarmann veraldar.

Skamm Björn Ingi.

[Hannibal, 23.8.2007 kl. 11:22]

Árinni kennir illur rærari.  Ef ég vissi ekki betur þá myndi ég halda að þú værir sjálfstæðismaður...

Er samt alltaf til í að skamma Binga, Skamm Björn Ingi!