Klám eða klám?

Með puttann á púlsinum og taka þannig ballanzinn á þjóðfélaginu.  Í dag þarf maður að taka púlisinn í náranum.  Einhver besta auglýsing sem klám hefur fengið á Íslandi hefur verið í gangi núna í okkar helstu fjölmiðlum síðustu daga.  Hugsa að klámkóngarnir út í heim séu glaðir.

Margir halda því fram að klám sé slæmt, fyrir þá sem stunda klám og fyrir þá sem nota klám og þá aðallega til að gera okkur karlmennina að algjörum durtum.  Oftar en ekki er vitnað í hinar og þessar rannsóknir sem sýna okkur að klám hefur vond áhrif.  Aftur á móti eru þetta ekki niðurstöður sem maður á að taka sem einhverja staðreynd um karla, klám og viðhorf þeirra til nauðunna og kynferðisleguofbeldis gegn konum. 

William A. Fisher og Azy Barker vildu rannsaka hvort ofbeldi í klámi hafi í raun aukist.  Fannst þeim sem þeim rannsóknum sem gerðar höfðu verið bæri ekki saman.  Í þeim væru mismunandi forsendur notaðar til að mæla magn ofbeldis í klámi, úrtakið væri valið á mismunandi hátt og að þessar rannsóknir væru gerðar á mismunandi stöðum.  Þeim fannst þessar aðferðir vera einfeldni og hreinlega fræðilegur barnaskapur.  Þeim fannst aðrir þættir í umhverfinu hafa meiri áhrif á hegðun fólks en einhverjar fyrirmyndir í fjölmiðlum. 

Þeim fannst þó allt eins líklegt að klámfengnu efni gæti hugsanlega haft áhrif á það fólk sem ekki hefði næga sjálfstjórn til að takast á við slíkt efni á meðan klám hefði lítil sem engin áhrif á þær félagsverur sem væru fullmótaðar. 

Einnig finnst þeim sem öllum rannsóknum hafi mistekist að sýna fram á samband á milli kláms og kynferðisafbrota í þjóðfélaginu.  Fisher segir að ekki sé hægt að fá sömu niðurstöður út með endurtekinni rannsókn en hann endurtók fræga rannsókn sem Malamuth gerði og fékk ekki sömu niðurstöður.  Þannig fékk hann út að karlar sem horfðu á ofbeldisfullt klámefni létu sig ekki dreyma um nauðganir og væru ekki kaldlyndari gagnvart nauðgunum, öfugt við Malamuth. 

Þeim Fisher og Barker finnst ekki hægt að heimfæra niðurstöður tilrauna þeirra rannsókna sem hvað mest sé vitnað í yfir á daglegt líf fólks.  Þannig finnst þeim að niðurstöður þeirra tilrauna sem gerðar hafi verið segi ekkert um áhrif klámefnis í hinum raunverulega heimi.  Með því að benda á gervilegar aðstæður við framkvæmdir rannsóknanna sem gerðar eru á tilraunastofum renna þeir stoðum undir ádeilur sínar hvað varðar raunveruleikagildi þeirra. 

Með því að rannsaka við þannig aðstæður þurfi þátttakendur þeirra ekki að óttast refsingu fyrir gjörðir sínar og engin hætta er á að viðkomandi fái samviskubit.  Margar rannsóknir sem gerðar hafa verið eru framkvæmdar á nemendum í sálfræði víðsvegar í Bandaríkjunum.  Þannig séu úrtökin oftar en ekki slæm þar sem mikill meirihluti rannsókna sé gerður á háskólanemum.  Aldrei séu fulltrúar fyrir allan almenning þar sem meiri hegðunarhömlur eru á háskólanemendum sem gefi hreinlega möguleika á að áhrif kláms séu vanmetin.  Þátttakendur myndu margir hverjir aldrei horfa á ofbeldisfullt klámfengi efni af fúsum og frjálsum vilja heldur gera það einungis í þágu rannsóknarinnar og geti því gefið skakka mynd.  Fyrir utan þá staðreynd að nemendur í sálfræði við bandaríska háskóla fá ákveðin stig fyrir að taka þátt í rannsóknum ýmiskonar og því ekki hægt að ganga út frá því sem vísu að úrtakið sé handahófskennt heldur meira árangurskennt.

Þannig verði túlkun á niðurstöðum rannsókna lituð af gildum þeirra sem framkvæma rannsóknirnar, væntingum akademíunnar og annarra vísindamanna en skili í raun ekki því sem hægt væri að fá út úr rannsókninni .

Klámheimurinn er ekki bara þessi soraheimur sem verið er að draga upp enn einu sinni.  Þeim sem framleiða og leika í klámmyndum er sett að fara eftir ákveðnum reglum sem iðnaðurinn hefur sjálfur sett.  Þessi lög taka á því sem ekki má í klámi.  Þar er hnefareið bönnuð, ekki má notast við þvag eða saur, ekki má sýna nauðganir, niðurlæging kvenna er bönnuð, engir aðskotamunir aðrir en gerfilimir og titrarar eru leifðir, ekki má hafa dýr og ekki sýna börn í kynlífsathöfnum.

Athyglisvert er hér að samkvæmt þessum lögum er niðurlæging kvenna bönnuð en hvergi er minnst á að niðurlægin karla sé bönnuð.  Hér á náttúrulega bæði að vera bannað.

Þessar reglur hafa þó verið virtar af vettugi af mörgum klámmyndaframleiðendum og oft virðist sem upp komi framleiðendur sem villja ganga lengra en gengið hefur verið áður og vilja ögra umheiminum.  Einn þeirra er Robert Black sem gerði mikið úr því að fara yfir strikið, sýna nauðganir svo dæmi sé tekið, en hann var að lokum leiddur fyrir rétt, ákærður um að hafa með myndum sýnum brotið lög og setið í fangelsi fyrir það.  Þegar brot er sannað skal dæmt, ekki fyrr.

En hvers vegna er ég að koma með þessa umræðu hér?  Jú vegna þess að mér finnst í öllu umtali um klám síðustu daga skýna svo í gegn að allir eiga að vera á móti klámi og umræðan með klámi fær aldrei að fljóta með.  Sem mikill hugsjóna maður vill ég að báðar hæðirnar séu teknar í pólinn.  Mér finnst sanngjarnt að þegar rætt er við, ja segjum forkvennu feministafélagsins að þá fái, ja Geiri á Goldfinger að vera á móti henni í umræðunni.

Það þarf tvo í Tangó.  Ég kann karíógrafíuna en ég fer ekki langt á henni einn og sér, ég verð að hafa partner sem dansar við mig.  Ekki bara; ég tel einn tveir þrír, og þú fylgir mér, og dansa.

Fólk er misjafnt eins og það er margt, klámið líka.  Við getum ekki bannað fólk.

Kv. Hannibal

 

 

Ekki nota ekki þegar það á ekki

Eins og alþjóð veit er ég mikill áhugamaður um íslenska tungu.  Fátt finnst mér skemmtilegara en miklir tungubrjótar.  Þykit mér þeir fegra tungu okkar til muna.  En svo er það allt hitt sem saurgar vort mál.  Til að mynda er fólki gjarnt á að nota orðið ekki þegar það á ekki að notast.

Ég luma hér á þremur dæmum sem mér finnst ekki við hæfi að nota ekki og útskýri ég á einfaldann hátt hvers vegna.  (Hér hefði t.d. einhver sagt og útskýri ég á einfaldann hátt hvers vegna ekki):

*Hann samkjaftar ekki
        Hér er átt við mann sem samkjaftar, talar út í eitt.  Hér væri nær að segja; Hann samkjaftar.

*Hann beyjir, heldur það ekki?
        Hér er verið að spyrja hvort viðkomandi haldi það.  Jú ég held það ekki væri því viðeigandi svar.  Því væri réttast að segja hér; Heldur þú að hann beygji?

*Ekki stanna lille venn
        Hér er átt við að viðkomandi hlutur, besefi í þessu tilfelli, skuli stanna og því á ekki að nota ekki.  Hér væri því réttara að segja; Stanna lille venn.

Kv. Hannibal 

Ég ætla að fá einn Alla takk...

Loksins segja sumir, hvers vegna, jú hann Alli ætlar að koma á markað í sumar.

Hvaða konu langar ekki að fá eins og einn Alla á dag.  Hvað er betra en að vakna á morgnanna og teygja sig í Alla og njóta hans það sem eftir er af deginum?  Mætt í vinnuna, farið út með stelpunum, sem allar eiga eftir að kunna vel við hann, og sofna svo spennt.  Geta ekki beðið eftir að njóta Alla næsta dag, þrátt fyrir að hafa notið hans allan daginn.

Svo verður Alli heldur ekki svo dýr, einhverjar 3.ooo íslenskar krónur á mánuði.

Einn Alli á dag, kemur jú skapinu (seitt skap, mörg sköp) þínu í lag!

Kv. Hannibal 

Megrunarpilla seld í lausasölu í Bandaríkjunum

Viltu byrja með mér?

Það er ekki bara minni mætingarskilda og lengri frí sem aðskilja Aþingi frá hinum grunnskólunum.  Á Alþing eru nefnilega bara bekkjakvöld á fjögurra ára fresti.

Það styttist í næsta bekkjakvöld, það verður haldið núna í maí og maður er farinn að verða var við tilhlökkun grunnskólakrakkanna á Alþingi.  Í flestum þeim grunnskólum sem ég þekki til í enda bekkjakvöldin með því að einhverjir taka upp á því að byrja saman.  Verða par áður en þau halda sitt í hvora áttin heim til sín, spennt að hittast aftur í skólanum daginn eftir, enda nær sambandi sjaldnast út fyrir veggi skólans.  Nemendur skólanna eru mis vinsælir, eins og gengur og gerist.  Þannig geta sumir ekki hugsað sér að byrja með einhverju, vegna þess að viðkomandi vill ekki taka niður fyrir sig.  Flestir eru þó tilbúnir að taka uppfyrir sig, ekkert því til fyrirstöðu, bara að maður fái eitthvað útúr því.  Enginn gefur þó upp út fyrir vinahópinn hvaða einstakling á að reyna að næla sér í á bekkjakvöldinu.  Halda sem flestum heitum ef skotmarkið klikkar.

Nemendur grunnskólans Alþingi eru ekkert svo frábrugðnir öðrum grunnskólanemum þegar kemur að hegðun á þessum fáu bekkjakvöldum.  Allir hafa sig til og reyna að líta vel út til að næla sé vonandi í förunaut í lok kvöldins.  Helst taka uppfyrir sig, maður fær einhvern veginn meira út úr því.  En það er ekki sama leyndin sem fylgir því hvern á að tækla og vera með daginn eftir í stjórnarráði.  Vinstri Grænir hafa til dæmis gefið það út að þeir vilja ekki byrja með Frjálslindaflokknum.  Þrátt fyrir að þeir séu hvorugir í vinsæluklíkunni líkar Vinstri Grænum ekki við þá.  Sjálfstæðisflokkurinn er í vinsæluklíkunni og er með Framsóknaflokknum eftir síðasta bekkjakvöld.  Þar tók Sjálfstæðisflokkurinn heldur betur niðurfyrir sig og vonandi er framkoma hinna sem taka niðurfyrir sig við förunaut sinn ekkert í samanburði við það sem Framsókn hefur þurft að kyngja síðustu ár sambandsins.  Sjálfstæðisflokkurinn daðrar svolítið og heldur öllum heitum um að kannski byrji hann með einhverjum hinna eftir næsta bekkjakvöld og Samfylkingin og Vinstri Grænir taka daðrinu vel, vongóðir um að mæta sem kærasta Sjálfstæðisflokksins á næsta bekkjakvöld eftir 4 ár.  Framsókn er svolítið svona bekkjarhóran sem er til í að byrja með hverjum sem er og spyr alla í lok kvöldsins:

Viltu byrja með mér?

Kv. Hannibal 

 

Íslenski draumurinn

ég átti mér þann íslenska draum að sjá Ísland leika um verðlaun á HM í handbolta árið 2007.  Get rétt ímyndað mér hversu miklu heitari þessi draumur var fyrir þá leikmenn og aðstandendur íslenska liðsins í þýskalandi.  En þetta er bara svona, ekkert við þessu að gera nema bara vera brjálaður og þá sérstaklega þar sem erfitt er að kenna einhverjum um hvernig fór.

Sú staðreynd að báðar skyttur danska liðsins hafi skorað 9 mörk, jafn mörg mörk og línumaðurinn er náttúrulega rosalega slæmt og ekki líklegt til afreka.  Þótt að markverðir okkar hafi ekki varið sem skyldi í seinni hálfleik venjulegs leiktíma vörðu þeir þó 17 skot í leiknum.  Dönsku markverðirnir vörðu hins vegar 21 skot.  Tapaðir boltar á ögur stundu er mjög slæmt. 

Nokkur stór mistök áttu sér stað, ákveðnir hlutir brugðust og því fór sem fór.  Svo súrt en samt eitthvað svo sætt.  Það voru við sem töpuðum leiknum en ekki Danir sem unnu.

Ég vill meina að við séum betri en Danir.  Og ég segi það fullum hálsi.  Öll mistök leiksins liggja okkar megin, Ólafur meiddur í öxl eins og alþjóð veit og enginn Einar Hólmgeirs til að leysa hann af.  Ok miðjutröllið þeirra meiddist og lék ekki með en Boesen leysti hann frábærlega af.  Danir meiga þó eiga það að þeir náður að klippa besta hornamann heims út, Guðjón Val en það er ekki eins og við höfum ekki klippt Lars Christiansen út.  Guðjón skoraði 5 en Lars 2. 

Ég verð seint talinn til rólegri manna, þá sérstaklega þegar kemur að íþróttakappleikjum.  Það var engin breyting á í gær.  Hefði heldur viljað tapa þessum leik með 15 mörkum.

Nú er ekkert annað að gera en að láta hendur standa fram úr ermum og taka þetta helvítis fimmta sæti sem er í boði og ekkert kjaftæði.  Komumst ekki í 8 liða úrslit til að enda 8. svo mikið er víst.

Kv. Handball 

Svona fara milliriðlarnir

Jæja þetta byrjar á morgunn og að sjálfsögðu skal skoða endann í upphafi.  Við erum í milliriðli með Frökkum, Túnisum og Þjóðverjum sem stigalausum liðum en auk okkar með tvö stig eru Slóvenar og Pólverjar.  Það sem mér finnst mestum tíðindum sæta er að af þessum 12 liðum sem komust í milliriðla eru 11 frá Evrópu.  Einungis Túnisbúar eru utan Evrópu. 

 

Talandi um Túnisa.  Við eigum einmitt leik við þá á morgunn klukkan 16:30 og reikna ég fastlega með því að ég verði búinn að koma mér vel fyrir fyrir framan skjáinn.  Þátttaka mín í leiknum verður eftir þörfum og hagast af tilfinningasveiflum mínum, sem nota bene geta verið þó nokkrar.  Það er fínt að mæta Túnisum á þessum tímapunkti, eru með ágætis lið en hafa í rauninni bara spilað einn alvöru leik á þessu móti og hann tapaðist á móti Slóvenum og var það þeirra síðasti leikur fyrir milliriðil.  Ég ætla því að spá því að við leifum Túnisum að finna hvar Davíð keypti ölið og það muni ganga á með éljum í höllinni á morgun.  Það voru jú Túnisar sem héldu síðustu Heimsmeitarakeppni í handbolta og fór hún fram við frostmark.  36-29 verða lokatölur eftir ójafnan fyrri hálfleik og allir fá að spil.

 

Á fimmtudaginn klukkan 17:30 verð ég svo kominn aftur fyrir framan skjáinn og nú til að sjá Íslendinga etja kappi við nýfrendur okkar Pólverja.  Pólska verða í sárum eftir að hafa legið fyrir Frökkum í fyrsta leik og fuller ósjálftrausts.  Leikmaður númer 8 í pólska liðinu er þeirra helsta vopn en hann verður orðinn frekar þreyttur í hægri öxlinni eftir að hafa sveiflað henni óspart á móti Frökkum.  Lykilleikur fyrir okkur og við, ótrúlegt en satt, vinnum 33-30 eftir að pólska hafi sótt fast að okkur undir lokin og minkað muninn í 31-30.

 

Eftir leikinn fara íslensku landsliðsmennirnir okkar svo á hringtorgið í Magdeburg og fá að sleppa sér aðeins og leika lausum hala.  Frídagur á föstudaginn og allir mellow.

 

Við eigum svo leik við Slóvena á laugardaginn og reikna ég með að verða kominn fyrir framan tellann fyrir klukkan 17:00.  Slóvenar verða þá búnir að leika við Þjóðverka og Frakka.  Jafnteflið við Þjóðverja og tapið gegn Frökkum situr fast í þeim og þeir vinna okkur 36-31.  Dómgæslan verður fyrir neðan allar hellur og Alþjóða handknattleikssambandið hefur ákveðið að taka í taumanna og stoppa þessa sigurför sjómannanna frá Norðurhafi.

 

Það verður því um sannan úrslita leik að ræða milli okkar og Þjóðverja á sunnudaginn.  Þjóðverjar verða búnir að krækja sér í 5 stig í milliriðlinum en við 4.  En þar sem við tókum með okkur tvö úr undanriðlinum erum við fyrir ofan þá fyrir leikinn.  Þýska pressan verður búin að gera þýsku leikmennina stressaða upp úr öllu hófi og við byrjum leikinn mun betur.  Dómararnir halda áfram að setja svip sinn á keppnina, í anda stórmóta í handbolta, og vinna Þjóðverjana inn í leikinn undir mikilli pressu heimamanna.  Íslendingar lenda í því að vera í fyrsta skipti á útivelli í keppninni en höndla ástandi vel.  Leikurinn verður fullur af mistökum á báða bóga og endar með 27-27 jafntefli.

 

En hvað þýðir þetta.  Þetta þýðir að loka staðan í þessum milliriðlum verður svona:

 

1. Slóvenía       7 stig     1. Króatía        10 stig

2. Ísland           7 stig     2. Danmörk     6 stig

3. Þýskaland    6 stig     3. Spánn          5 stig

4. Frakkland     6 stig     4. Ungverjal.    5 stig

5. Pólland         4 stig     5. Rússland      4 stig

6. Túnis            0 stig     6. Tékkland     0 stig

 

Slóvenía og Króatía munu því leika til úrslita á Heimsmeistaramótinu 2007 í Þýskalandi.  Frændþjóðirnar Ísland og Danmörk leika um bronsið.  Spánn og Þýskaland verða í 5. -6. sæti, Frakkland og Ungverjaland í 7.-8., Pólland og Rússland gera upp gamlar deilur í 9.-10. sæti og Túnis og Tékkar deila 11.-12. sæti eftir dapran milliriðil.

 

Lengra fer ég ekki í bili, á sunnudaginn mun ég svo skoða keppnina til enda.  Þangað til þá, meira HM.

 

Kv. Hannibal

Í upphafi skyldi endinn skoða...

Mér finnst þessi setning alltaf vera jafn frábær.  Í upphafi skyldi endinn skoða!

Þetta er nefnilega lífsmottóið mitt, alla vega núna.  Þegar ég er að takast á við eitthvað eða bara að ganga í gegnum lífið þá spái ég alltaf í hvaða afleiðingar það hefur sem ég geri.  Ekki það að pabbi minn sé eitthvað sterkari en pabbi þinn en mér finnst samt að margir mættu taka sér þennan þankagang minn sér til fyrirmyndar. 

Þegar ég byrjað að skoða HM í handbolta fór ég náttúrulega að spá í hvað við myndum ná langt.  Sennilega er ástæðan fyrir því að ég náði aldrei lengra í íþróttum en raun bar vitni að lögmál íþróttanna er að taka bara einn leik fyrir í einu.  Ég tek þá alltaf alla.  Þeir sem tóku þátt í HM2006 leiknum mínum í fótbolta urðu sennilega varir við þetta.  En alla vega.  Ég var náttúrulega alveg viss um að við myndum vinna Ástraslvíju og taldi að leikurinn við Úkraínu yrði úrslitaleikur.  Er nú sennilega ekki sá eini sem spáði þessu.  En ég hélt áfram og spáði að við myndum ná jafntefli við Frakka og færum í milliriðil með eitt stig ásamt Frökkum.

En svo brugðust krosstré og Úkraína, í gulu og bláu Svíjabúninunum, lagði okkur tiltölulega auðveldlega af velli og allt í einu urðum við að vinna Frakka til að komast áfram.  Ég trúði því ekki að við hefðum verið að leggja Svíja og skilja þá eftir heima frá HM og detta svo út eftir riðlakeppnina og spáði því að við skyldum vinna Frakka.  8 marka munur var aldrei inn í myndinni hjá mér en sigur var það eina sem ég átti von á.  34-31 var mín spá ef ég man rétt.

Það sem skein í gegn að mínu mati í leiknum í gær var vanmat Frakka frá a-ö.  Einhver Michaelson og Hallgrímsson voru að skora 3 mörk og svo kom einn af fílahjörðinni, Svavarsson nokkur, og stakk alla af og skoraði úr hraðaupphlaupi!  Guðmundsson var að sýna einhverja tilburði í markinu sem ekki þekkjast í þessari íþrótt, standa á einum fæti og verja víti og svo mæti lengi telja.  Frábær sóknaleikur með dýrslegum varnaleik og unaðslegri markvörslu varð staðreynd og skilaði okkur 32-24 sigri.

Svo nú er það milliriðillinn.  Eins og skrifaði hérna um daginn ætlaði ég að gera honum nánari skil þegar nær dragi og nú er komið að því að ég skoði endann á milliriðlinum, svona í upphafi hans.  Sú úttekt byrtist síðar í dag.

Kv. Hannibal 

Við tókum nú Svíjana

Ég á vin sem heitir Jón.  Hann á heima í Svíþjóð.  Við slóum Svíjana út í að komast á HM í Þýskalandi, í handbolta.  Vorum við að því bara til að fá að spila þrjá leiki?  Og þar af einn þeirra á móti Ástralíjuúrvali Júgóslavíu?  Nei ég neita að trúa því!!!  Ég er þess full viss, og verð alveg fram í rauðann dauðann, að við vinnum Frakkana í kvöld og komusmt upp úr þessum drullu riðli.  Við getum og megum ekki enda fyrir neðan Úkraínumenn, kommon!  34-31 fyrir Ísland og Ísland og Frakkar fara áfram, við með 2 stig og Frakkarnir ekkert í milliriðilinn.  Þetta er möguleiki og á meðan það er möguleiki þá er séns eins og skáldið sagði.

En skáldin hafa sagt svo margt í gegnum tíðina.  Frábært að sjá hvað skáldið Guðni er t.d. ánægður núna.  Vann Hjálmarinn og Hjálmar lét ekki þar við sitja í tapinu sínu heldur tapaði hann líka fyrir honum Bjarna kallinum.  Til að kóróna kvöldið tapaði Hjálmar sér og hætti í pólitík.

Það er ekki bara herinn með allt sitt kanatast sem hefur yfirgefið Reykjanesið, hið há Alþingi er að gera það líka.  Held að það gæti farið þannig að það verði enginn suðurnesjaþingmaður eftir kosningarnar í maí.  Maíbí?  Vísí.

Annars var helgin nokkuð góð.  Liverpool lagði Chelsea og Arsenal vann ManUtd.  Hið besta mál fyrir enska knattspyrnuunnibirnendur.  Eitthvað vorum  við ekki að gera gott mót á Riverside leikvanginum og Juusi sóttann fimmsinnum í möskvana.  Þegar ég var á sjó undir það síðasta var fínt að fá eins og fimm gráar sleppur í heila áttaneta trossu.  En það er víst ekki gott að taka fimm bolta úr einu neti í fótboltanum.  Sjómennskan er ekkert grín.

En talandi um grín þá er Laddi alltaf að fíflast eitthvað, ný orðinn sextugur.  Var t.d. í Bítinu núna í morgunn.  Var svona að velta því fyrir mér þegar ég fékk kjánahrollin, ég man ekki í hvaða skipti, hvernig það sé að vera Laddi og koma í svona viðtal.  Tek tvö dæmi máli mínu til útskýrningar.  Þau Sirrý og Heimir eru eitthvað að ræða diskinn hans Ladda, Hver er sinnar kæfu smiður, og spyrja hann hvað sé uppáhalds lagið hans.  Laddinn nefnir Austurstræti og þá byrjar Sirrý að "söngla" fyrstu línu lagsins og hefur orð þá því eftir á að maður bara verði að syngja þessi lög þegar maður heyri talað um þau.  Svo er haldið áfram að rifja upp feril Laddans og svo enda þau þáttinn á að Heimir, sem mér hefur nú þótt betri helmingurinn í Bítinu, biður Ladda um að koma með eina grettu.  Þá var mér nú öllum lokið.

Black Dalya er fín.  Kíkti í cinemuna í gær eftir að hafa snætt dýryndis kvöldverð á Ítalíu, nánar tiltekið á Cagliari.  Allt var þetta gert til að halda upp á afmæli minnar heitt elskuðu.  Mæli alveg með Black Dalyu, svona pínu plottari en samt ekki og bara fínt handrit, svolítið róleg og þetta er svona meira Bíó mynd en Video mynd, þarf að gefa henni alla athygli finnst mér.

Annars varð kallinn nokkuð sleginn í gær.  Átti leið í Nóatún að versla í bakstur.  Þegar ég er að keyra inn á planið sé ég hvar par/hjón/vinir eru á gangi og fer ekki á milli mála að þarna er ógæfu fólk á ferðinni.  Nema hvað, gaurinn tekur út aðra höndina og munda sprautu með hinni og krýur á kné og skellir nálinni á bóla kafi í olnbogabótina á sér...  Ég sem annálaður sprautufælir sökum sjótra viðbragða til yfirliðs mátti nú ekki alveg við þessu, svo ekki sé talað um að ég var á bíl, keyrandi með son minn í búðina að kaupa í köku handa mömmu hans.  En einhvern veginn náði ég að yfirstýga þennan hjalla og halda meðvitund og leggja í laust stæði, en þetta var í fyrsta sinn sem mér fannst ég alveg eiga erindi í stæði fyrir fatlaða. 

Spennandi vika framundan.  Er á fullu að reyna að læra á þetta blog.is dæmi.  Gengur.  En ég verð pottþétt með puttann á náranum og tel slögin.

Kv. Hannibal 

 

Ísland í byrgi, RÚV burt og það sem drypið hefur á daga mína...

Í alvöru talað, ég er ekki alveg að átta mig á þessu öllu saman.  Við, sem borgum skatta í öllum myndum, vorum að tapa nokkur hundruð milljónum á síðasta ári í formi eftirlitslausra styrktargreiðslna til Byrgisins.  Ríkisendurskoðun hefur gert alvarlegar athugasemdir við fjármál Guðmundar Byrgis með svartri skýrslu. Þá hefði maðurhaldið að við værum hætt að tapa peningum.  En nei nei.

Á Alþingi síðustu vikuna hefur forseta alþingis  þótt brýnt að halda áfram umræðu um RÚV-frumvarpið og hefur brugðið út af hefðbundnum þingstörfum til að ræða þetta frumvarp, á kostað okkar því við borgum jú þessum þingmönnum laun.  Væri ekki skynsamlegra að ræða um störf fjárlaganefndar og félagsmálaráðuneytisins?  Ja, spyr sá sem ekki veit.

Liverpool er að skíta á sig.  Erum farnir að tapa kapphlaupi um leikmenn við lið í botnbaráttunni sem er í eigu manna frá landi sem allir íbúar þess kæmust fyrir í lítilli blokk í London.  Leikirnir við Arsenal eru líka svartir og er umræðum um þá sjálfhætt.

ÍA er mjög virkt á leikmannamarkaði fyrir komandi tímabil í Landsbankadeildinni, en bara í aðra áttina.  Missa og missa menn og enginn kemur í staðinn.  Hef heyrt að einhverjir tjallar séu í sigtinu en það er mín skoðun að þeir útlendingar sem koma til liðsins verði bestu menn liðsins, ekki Liverpool stæl að kaupa bara einhverja miðlungs menn og vona svo það besta.

Eiður Smári gæti átt erfiða daga framundan hjá Barcelona.  Javier Saviola hefur verið heldur iðinn við kolann að mínu mati, og gæti það orðið á kostað okkar manns.  Svo er Eto'o farinn að sparka bolta aftur þannig að stað hans hjá liðinu gæti orðið "eðlileg" á næstu vikum.  Gæinn er náttúrulega búinn að vara spila svo miklu miklu meira en nokkur maður gat bjartsýnast um.

Það er með söknuði semég sækji um vinnur.  Þessi söknuður beinist til Háskóla Íslands.  Veru minni þar er formlega lokið en ég er þessa dagana að leggja loka hönd á BS ritgerð mína.  Ekki misskilja mig að ég sakni þess að sitja á skólabekk með 70þúsund kall á mánuði í námslán.  Nei ég sakna þess að fara í Bónus klukkan 13:00 á mánudegi og vera einn í kælirnum, geta farið til baka ef ég gleymi einhverju o.s.frv.  Ég sakna þess líka að kíkja á kaffihús og fá mér einn svartan og sykurlausann þegar mig langar til.

HM í handbolta er að byrja a morgunn.  Keppni sem við vinnum, alla vega tvo leiki í.  Ég er að vanda rífandi bjartsýnn og segji að við komumst upp úr riðlinum, með jafn mörg stig og Frakkar.  Við sem sagt vinnum Ástrala og Úkraínumenn og gerum jafntefli við Frakka.  Förum svo í milliriðil og ég skal spá nánar í hann innan tíðar í HM2007 í Þýskalandi pistli mínum.

Ég er mættur...

Kv. Hannbal